अवार्ड दिलाउने काममा ५ लाख लिएको प्रमाणित हुँदा पनि पार्षदलाई उन्मुक्ति !

काठमाडौँ । नियामक नेपाल चार्टर्ड एकाउन्टेन्ट्स संस्था (आईक्यान)ले प्रदान गर्ने ‘नेशनल बेष्ट प्रिजेण्टेड एनुअल रिपोर्ट’को अवार्डमा सहभागी हुन कृषि विकास बैंकले सो वित्तीय प्रतिवेदन प्रस्तुतीकरणलाई अझ राम्रो बनाउने भन्दै आईक्यानकै पार्षदकै ५ लाख रुपैयाँको काम बनाएर दिएको र सोही प्रतिवेदनका आधारमा कृषि विकास बैंकले अवार्ड जितेको प्रमाणित हुँदा पनि आइक्यानले भने पार्षद अमन उप्रेतीलाई उन्मुक्ति दिएको पाइएको छ । प्रष्ट रुपमा स्वार्थको द्वन्द देखिँदा र पैसा लिएर अवार्ड खरिदबिक्रीको दुष्प्रयास भएको प्रष्ट आधार र प्रमाण हुँदा पनि उप्रेतीको करियर जोगाउने नाममा र उनलाई संस्थाको आगामी उपाध्यक्ष बन्न सो केसले असर नगरोस् भन्ने उद्देश्यका साथ उप्रेतीलाई उन्मुक्ति दिएको पाइएको हो ।