युवा र महिलालाई केन्द्रमा राखेर सदस्यता अभियान चलाउन सहमहामन्त्रीको निर्देशन

धनकुटा- महाधिवेशनको तयारी गर्दै नेपाली कांग्रेसले धनकुटामा १८ देखि ३५ वर्ष उमेर समूहका युवा र महिलालाई लक्षित गरी विशेष क्रियाशील सदस्यता वितरण अभियान सञ्चालन गरेको छ।

कांग्रेसकी सहमहामन्त्री डा.डिला संग्रौलाले धनकुटामा नयाँ क्रियाशील सदस्यता वितरण तथा पुराना सदस्यताको अध्यावधिक कार्यको अनुगमन गर्दै वडावडासम्म पुगेर अभियानलाई प्रभावकारी बनाउन पार्टीका नेताकार्यकर्तालाई निर्देशन दिइन्।