‘ग्रेन एक्सचेन्ज’ स्थापनाको तयारी गर्दै ब्रिक्स राष्ट्रहरू, पश्चिमा आधिपत्य तोड्ने लक्ष्य

एजेन्सी । ब्रिक्स सदस्य राष्ट्रहरूले रुसका राष्ट्रपति भ्लादिमिर पुटिनद्वारा समर्थित एक खाद्यान्न विनिमय केन्द्र (ग्रेन एक्सचेन्ज) स्थापना गर्ने योजनाको बारेमा अन्वेषण गरिरहेका छन् । त्यसले सम्भावित रूपमा विश्वव्यापी कृषि व्यापार र मूल्य निर्धारणमा निश्चित वस्तु विनिमय केन्द्रहरूको आधिपत्य अन्त्य गर्न सक्छ ।

यो योजना आगामी सेप्टेम्बर १२–१३ मा नयाँ दिल्लीमा हुने ब्रिक्स शिखर सम्मेलनको कार्यसूचीमा रहनेछ । रुसले हालै जयपुरमा भएको ब्रिक्स व्यापार मन्त्रीहरूको बैठकमा ब्रिक्स ग्रेन एक्सचेन्जको ढाँचा प्रस्तुत गरेको थियो ।