कमेडियनको ‘धम्की’ आरोपपछि एमाले नेता भन्छन् ‘म जुनसुकै प्रश्न र रोस्टको सामना गर्ने दम भएको मान्छे हो’

नेकपा एमालेका नेता सूर्य थापाले ‘कमेडी बाज’ कार्यक्रमको पछिल्लो शृङ्खलामा आफूले सामना गरेको राजनीतिक व्यंग्य पछि स्ट्यान्डअप कमेडियन अमरेन्द्र यादवले धम्की आएको बताएपछि आफु आश्चर्य चकित परेको बताएका छन्।

‘कमेडी बाज’ को १५औँ शृङ्खलामा थापा र राष्ट्रिय स्वतन्त्र पार्टीका पूर्वमहामन्त्री डा मुकुल ढकाल अतिथिका रूपमा सहभागी भएका थिए। कार्यक्रममा यादवले दुवै अतिथिमाथि रोस्ट गरेका थिए भने थापासँग सवाल–जवाफसमेत भएको थियो।