मार्जिन कारोबारलाई व्यवस्थित गर्दै धितोपत्र बोर्ड, ल्यायो नयाँ नियमावलीको मस्यौदा

काठमाडौँ । नेपाल धितोपत्र बोर्डले सेयर बजारमा मार्जिन ऋण कारोबारलाई नियमन गर्न मार्जिन ऋण कारोबार नियमावली, २०८३ को मस्यौदा बनाएको छ ।

बोर्डले सेयर बजारमा मार्जिन ऋण कारोबारलाई नियमन गर्ने गरी तयार पारेको मस्यौदा सुझावका लागि सार्वजनिक गरेको हो । धितोपत्र बजारमा ऋणमार्फत गरिने सेयर कारोबारलाई कानुनी दायरामा ल्याई लगानीकर्ताको सुरक्षा र बजारको स्थायित्व कायम गर्ने उद्देश्यले यो नियमावली ल्याइएको बोर्डले जनाएको छ ।