‘केटीएम पब्लिक ट्रान्सपोर्ट’ एप सार्वजनिक :  अब मोबाइलमै हेर्न मिल्नेछ गाडीको लोकेसन

काठमाडौँ । काठमाडौँ उपत्यकामा गुड्ने सार्वजनिक यातायात कहाँ आइपुग्यो र आफू भएको ठाउँमा आइपुग्न कति समय लाग्छ भन्ने प्रत्यक्ष जानकारी दिने उद्देश्यले ‘केटीएम पब्लिक ट्रान्सपोर्ट’ मोबाइल एप सार्वजनिक गरिएको छ ।

‘सङ्घीय राजधानी सहरी क्षेत्र सार्वजनिक यातायात परिषद्’को तेस्रो बैठकका अवसरमा परिषद्की अध्यक्ष एवं काठमाडौँ महानगरपालिकाकी कार्यवाहक प्रमुख सुनिता डङ्गोलले उक्त एप्लिकेसन सार्वजनिक गरेकी हुन् । यस एपमार्फत हाल जीपीएस जडान भएका करिब १ हजार २०० सार्वजनिक सवारी साधनको जानकारी लिन सकिनेछ । सङ्घीय राजधानी सहरी क्षेत्र सार्वजनिक यातायात प्राधिकरणले आगामी दिनमा अन्य सवारी साधनमा पनि यो प्रविधि जडान गर्दै लैजाने योजना बनाएको छ ।