काङ्ग्रेसमा आधिकारिकता र महाधिवेशनको किचलो: इतर पक्ष अदालत जाने तयारीमा

काठमाडौँ। नेपाली कांग्रेसभित्रको आधिकारिकता विवादले उत्कर्ष रूप लिएको छ। पार्टीको वैधानिकतासम्बन्धी मुद्दा अदालतमा विचाराधीन रहेकै अवस्थामा संस्थापन पक्षले एकतर्फी रूपमा १५औँ महाधिवेशनको संशोधित कार्यतालिका सार्वजनिक गरेपछि इतर समूह कानुनी उपचारका लागि सर्वोच्च अदालत जाने तयारीमा जुटेको हो।

सर्वोच्च अदालतले गत साउन २१ गते आधिकारिकता विवादसम्बन्धी मुद्दालाई पुनः सुरुदेखि हेर्न पुनरावलोकन (निस्सा) को अनुमति दिइसकेको पृष्ठभूमिमा महाधिवेशनको प्रक्रिया अघि बढाउनु अदालती मर्यादा उल्लङ्घन भएको इतर पक्षको निष्कर्ष छ। इतर समूहका नेता डा. प्रकाशशरण महतले मुद्दा विचाराधीन छँदै महाधिवेशन तालिका ल्याउनु अदालतको अवहेलना र निषेधको राजनीति भएको आरोप लगाएका छन्।