आईसीसी टेस्ट ब्याटिङ वरियताको शीर्षस्थानमा फर्कीए ब्रूक

३ भदौ, काठमाडौं । इंग्ल्यान्डका ब्याटर ह्यारी ब्रुक फेरि आईसीसी टेस्ट ब्याटिङ वरीयताको शीर्ष स्थानमा फर्किएका छन् । अस्ट्रेलियाका ट्राभिस हेड बंगलादेशविरुद्धको पहिलो टेस्टमा कमजोर प्रदर्शन गरेपछि तल झरेसँगै ब्रुकले चौथोपटक नम्बर एक स्थान हासिल गरेका हुन् ।

ब्रूकले पहिलोपटक सन् २०२४ को डिसेम्बरमा टेस्ट वरीयताको शीर्ष स्थान कब्जा गरेका थिए । पछिल्लो वरीयतामा जो रुट र स्टिभ स्मिथले पनि हेडलाई पछि पारेका छन् । बंगलादेशविरुद्ध डार्विनमा भएको पहिलो टेस्टमा हेडले २२ र १७ रन मात्र बनाउन सकेका थिए ।