गोविन्दा र सुनिताको सम्बन्धविच्छेदको पुनः चर्चा, अदालतबाहिर देखिइन् सुनिता

मुम्बई- बलिउड अभिनेता गोविन्दा र उनकी पत्नी सुनिता आहूजाबीच सम्बन्धविच्छेद हुन लागेको चर्चा फेरि चुलिएको छ। बुधवार सुनिता मुम्बईस्थित पारिवारिक अदालतबाहिर देखिएपछि उनीहरूको सम्बन्धलाई लिएर नयाँ अड्कलबाजी सुरु भएको हो।

सुनितासँगै उनका छोरा यशवर्धन आहूजा पनि अदालतबाहिर देखिएका थिए। सामाजिक संजालमा सार्वजनिक भएको भिडियोमा सुनिता केही तनावमा देखिएकी छिन् भने छोरा यशले उनलाई सम्हाल्दै पापाराजीलाई पछ्याउनबाट रोक्ने प्रयास गरेका छन्।