रास्वपाका मन्त्री फेरिने चर्चा निराधार ? रवि भन्छन्- ‘कुनै छलफल नै भएको छैन’

काठमाडौं- राष्ट्रिय स्वतन्त्र पार्टी (रास्वपा) का सभापति रवि लामिछानेले सरकारमा रहेका मन्त्रीहरूलाई तत्काल फेर्ने कुनै तयारी नरहेको स्पष्ट पारेका छन् । उनले मन्त्रीहरूको कामकारबाहीका विषयमा पार्टीभित्र छलफल भए पनि त्यसलाई मन्त्री परिवर्तनसँग जोडेर हेर्न नहुने बताएका छन् ।

बुधवार सिंहदरबारमा सञ्चारकर्मीसँग कुराकानी गर्दै लामिछानेले कुनै पनि मन्त्रीले धेरै काम गरिरहेको अवस्थामा केही काममा प्रश्न उठ्नु स्वाभाविक भएको बताए । मन्त्रीहरूको काममा प्रश्न उठ्दैमा उनीहरूलाई हटाउने वा फेरबदल गर्ने निष्कर्षमा पार्टी नपुगेको उनको भनाइ छ ।