साउनमा ४० लाखभन्दा बढी सिलिन्डर ग्यास बिक्री, बजारमा अभाव उस्तै

काठमाडौं । साउन महिनामा ४० लाखभन्दा बढी सिलिन्डर ग्यास बिक्री भएको नेपाल आयल निगमले जनाएको छ । त्यत्ति धेरै ग्यास बिक्री भए पनि बजारमा अभाव उस्तै देखिएको छ । निगमका अनुसार साउनमा मात्रै ५७ हजार ३ सय १६ टन ग्यास आयात तथा बिक्री भएको छ। यो भनेको ४० लाख ३६ हजार ३ सय ६४ सिलिन्डर बराबर हो।

असारमा ३१ लाख ३६ हजार ९ सय ३७ सिलिन्डर बराबर ग्यास आयात तथा बिक्री भएको थियो। त्यसको तुलनामा साउनमा करिब ९ लाख सिलिन्डर बढी ग्यास बजारमा गएको निगमको तथ्यांकले देखाउँछ।