कर्णालीका मुख्यमन्त्री शाहीले पाए विश्वासको मत

सुर्खेत : कर्णाली प्रदेशका मुख्यमन्त्री मङ्गलबहादुर शाहीले प्रदेशसभाबाट विश्वासको मत प्राप्त गरेका छन्। बुधबार बसेको प्रदेशसभा बैठकमा भएको मतदानमा मुख्यमन्त्री शाहीले प्रस्तुत गरेको विश्वासको मतसम्बन्धी प्रस्ताव बहुमतले पारित भएको हो।

मुख्यमन्त्री शाहीले नेपालको संविधानको धारा १८८ को उपधारा (१) तथा कर्णाली प्रदेशसभा नियमावली, २०८१ को नियम १५१ बमोजिम विश्वासको मतका लागि प्रस्ताव पेस गरेका थिए।