नक्कली प्रमाणपत्र बुझाएर जागिर खाने शिक्षक र नियुक्ति दिने तत्कालिन शिक्षा अधिकारी अख्तियारको फन्दामा

काठमाडौँ / अख्तियार दुरुपयोग अनुसन्धान आयोगले झुटा विवरण पेस गरी माध्यमिक तहको स्थायी शिक्षक नियुक्ति लिएको आरोपमा तत्कालिन जिल्ला शिक्षा अधिकारीसहित दुई जनाविरुद्ध मुद्दा दायर गरेको छ ।

अख्तियारले नक्कली प्रमाणपत्र पेश गरेको आरोपमा लमजुङका शिक्षक नवराज केसी र तत्कालीन जिल्ला शिक्षा कार्यालयका निमित्त जिल्ला शिक्षा अधिकारी होमनाथ न्यौपानेविरुद्ध विशेष अदालत, काठमाडौँमा आरोपपत्र दायर गरेको हो ।