त्रिभुवन विमानस्थलको एटीसी सुधारमा जापानको २ अर्ब ७३ करोड अनुदान, उडान व्यवस्थापनमा टेवा पुग्ने

काठमाडौं । नेपालको हवाई यातायात पूर्वाधारलाई थप सुरक्षित र प्रभावकारी बनाउन जापान सरकारले त्रिभुवन अन्तर्राष्ट्रिय विमानस्थलको एयर ट्राफिक कन्ट्रोल (एटीसी) प्रणाली सुधारका लागि करिब २ अर्ब ७३ करोड रुपैयाँ अनुदान सहयोग गर्ने भएको छ।

मन्त्रिपरिषद् बैठकले जापान सरकारबाट प्राप्त हुने उक्त अनुदान सहायता स्वीकार गर्ने निर्णय गरेको हो। सहयोगबाट त्रिभुवन अन्तर्राष्ट्रिय विमानस्थलको एटीसी प्रणालीलाई आधुनिक र प्रभावकारी बनाउने काम अघि बढ्ने अपेक्षा गरिएको छ।