तरङ्गित राजनीतिः शासकीय स्वरुपको चर्को बहस र संघीयता

काठमाडौं । नेपालको शासकीय स्वरुपमाथिका प्रश्नहरु पेचिला बन्दै गएका छन्। संविधान संशोधनको बहस अघि बढेको बेला शासकीय स्वरुप फेर्नुपर्ने बहससंगै संघीयतामाथि समेत बहस सिर्जना भएको छ। शासकीय स्वरुपको कोपभाजनमा संघीयता पनि मिसिने खतरा बढ्दै गएको छ ।

आलंकारिक राष्ट्रपति प्रणालीमा चलिरहेको नेपालले कार्यकारी प्रणालीमा प्रत्यक्ष निर्वाचनमा जाने वा राष्ट्रपतिलाई नै कार्यकारी बनाउने भन्ने बहस सतहमा देखिन्छन्। धेरैले शासकीय स्वरुप फेर्नैपर्ने र यसले मात्रै नेपालको विकास समृद्धि हुने जिकिर गर्ने गर्छन्। यसमा राष्ट्रपति रामचन्द्र पौडेल पनि शासकीय स्वरुप फेर्नुपर्ने जिकिर गर्छन्।