सभापति लामिछानेको बलियो‘ब्याकअप’ पाएपछि ई-पासपोर्ट छपाउन अघि सरे परराष्ट्रमन्त्री खनाल

काठमाडौं । परराष्ट्रमन्त्री शिशिर खनाल मंगलबार दिउँसो त्रिपुरेश्वरस्थित राहदानी विभाग पुगे। मन्त्रालयका सचिवसहितको टोली लिएर विभाग पुगेका उनले कर्मचारीहरूलाई ढाडस दिए, काममा उत्साहित भएर लाग्न आग्रह गरे। यसअघि सोमबार बिहान पनि उनी राहदानी विभाग पुगेका थिए।

आइतबार विभागका अधिकारीहरू र मन्त्रालयको प्रशासनिक नेतृत्वसँग खनालले लामो छलफल गरेका थिए। विषय थियो- पासपोर्ट छपाइ। त्यसपछि पासपोर्ट छपाइ प्रक्रिया समयमै अघि बढाउन मन्त्री खनाल सक्रिय भएका हुन्।