च्याम्पियन्स लिग छनोट: डुरानको दुई गोलमा सेल्टिकको सानदार जित

काठमाडौँ – क्यामिलो डुरानको दुई उत्कृष्ट गोलको मद्दतले सेल्टिकले युरोपेली च्याम्पियन्स लिगको प्ले-अफ पहिलो लेगमा अस्ट्रियाको लास्कमाथि ३-० को प्रभावशाली जित निकालेको छ।

सेल्टिक पार्कमा भएको प्रतिस्पर्धात्मक खेलको सुरुआतमै स्वीडिस फरवार्ड बेन्जामिन निग्रेनले बक्स बाहिरबाट उत्कृष्ट प्रहार गर्दै घरेलु टोलीलाई अग्रता दिलाएका थिए। त्यसपछि कोलम्बियाली फरवार्ड डुरानले हाफ टाइमअघि र पछि दुई गोल गर्दै स्कटिस च्याम्पियनको जित सुनिश्चित गरे।