अल अहलीलाई हराउँदै बार्सिलोनाले रक्षा गर्‍यो जोआन गाम्पर ट्रफी

४ भदौ, काठमाडौं । बार्सिलोनाले ६१औं जोआन गाम्पर ट्रफी जित्दै २०२६–२७ सिजनको औपचारिक सुरुवात गरेको छ । घरेलु मैदान क्याम्प नोउमा भएको खेलमा स्पेनिस च्याम्पियन बार्सिलोनाले इजिप्टको अल अहलीलाई २–१ ले पराजित गर्दै उपाधि आफ्नो नाममा लेखाएको हो ।

यस संस्करणको गाम्पर ट्रफी विशेष रह्यो, किनभने अल अहली प्रतिष्ठित प्रि–सिजन प्रतियोगिता खेल्ने पहिलो अफ्रिकी तथा अरब क्लब बन्यो । खचाखच भरिएको क्याम्प नोउमा भएको खेलले विश्व फुटबलका दुई फरक महादेशका सफल क्लबबीचको ऐतिहासिक भिडन्तको रूप लिएको थियो ।