केन्द्रको निर्देशनविपरीत एमाले नेतृत्वको सरकारलाई समर्थन

काठमाडौँ, (नेस) ।

बागमती प्रदेशमा नयाँ सरकार गठनको विषयलाई लिएर राष्ट्रिय प्रजातन्त्र पार्टी (राप्रपा) भित्र तीव्र विवाद चर्किएको छ । पार्टीको केन्द्रीय नेतृत्वले सरकार गठनको गणितीय चलखेलमा सहभागी नहुन निर्देशन दिएको अवस्थामा राप्रपाको प्रदेश संसदीय दलले एमाले नेतृत्वको नयाँ सरकारलाई समर्थन गरेपछि केन्द्र र संसदीय दलबीचको विवाद सतहमा आएको हो ।