बालेनको आईटी एजेन्ट योजनाः राअविमा सयौं कर्मचारी हट्दै !

कापठमाडौं । प्रधानमन्त्री बालेन्द्र शाहले राष्ट्रिय अनुसन्धान विभागलाई प्रधानमन्त्री कार्यालयमातहत ल्याउँदै संरचनात्मक फेरबदलको तयारी गरेका छन् । ३० वर्षे उमेर हद र ५५ वर्षे सेवा अवधि लागू गर्ने योजनासँगै ठूलो संख्यामा कर्मचारी अवकाशमा जानेछन् । विभागमा करिब सय आईटी दक्ष नयाँ एजेन्ट थप्ने र दरबन्दी १ हजारमुनि झार्ने तयारीसमेत भइरहेको छ ।

नेपालको एक मात्र गुप्तचरी निकाय राष्ट्रिय अनुसन्धान विभाग अर्थात् राअविको क्षमता, संरचना र प्रधानमन्त्री बालेन्द्र शाहले अघि बढाउन खोजेको पुनर्संरचना अहिले चर्चामा छ । राअविको जिम्मेवारी र क्षमतामाथि पटक–पटक प्रश्न उठ्दै आएको छ । कहिले सूचना संकलनमा चुक्ने, कहिले रिपोर्टिङ सही नगर्ने आरोप राअविलाई लाग्दै आएको छ । यही कारण यसको संरचना पनि पटक–पटक फेरिएको छ ।