दाङमा ट्याक्टर र अटो ठोक्किँदा चालकको मृत्यु, दुई जना घाइते

दाङ । दाङमा ट्याक्टर र अटो ठोक्किँदा अटो चालकको मृत्यु भएको छ भने दुई जना घाइते भएका छन् । घोराही उपमहानगरपालिका–७ बेसाहीमा ट्याक्टर र अटो एकआपसमा ठोक्किँदा दुर्घटना भएको प्रहरीले जनाएको छ ।

बुधबार बेलुकी ८ बजे सौडियारबाट सर्रातर्फ आउँदै गरेको रा १ त ३७०९ नम्बरको ट्याक्टर र घोराहीबाट बसन्तपुरतर्फ जाँदै गरेको लु। प्र। ०२–००१ ह १९२९ नम्बरको अटो आपसमा ठोक्किएका थिए ।