ताप्लेजुङ गोल्डकपको खेल तालिका सार्वजनिक

ताप्लेजुङको फुङलिङमा भदौ १२ गतेदेखि सुरु हुने चौथो अन्तर्राष्ट्रिय आमन्त्रण ताप्लेजुङ गोल्डकपको खेल तालिका सार्वजनिक भएको छ।

आयोजक लाखेजात्रा सञ्चालन समितिले ताप्लेजुङको उत्तरी क्षेत्रमा स्याम्दो पोखरी, सिङजेमा ताल र दिकी छ्योलिङ गुम्बा पुगेर खेल तालिका सार्वजनिक गरेको हो। आठ टिम सहभागी हुने पहिलो खेलमा भदौ १२ गते समूह ‘ए’आयोजक ताप्लेजुङ–११ र भारतको जर्जियन युनाइटेड फुटबल क्लबबिच प्रतिष्पर्धा हुने समितिका अध्यक्ष सागर मादेनले जानकारी दिए।