नारी संवेदना र देशप्रेममा उमाको सिर्जना

नारी संवेदना, देशप्रेम र प्रेमका अनुभूतिलाई सिर्जनामार्फत प्रस्तुत गर्दै आएकी कवि तथा गीतकार उमा श्रेष्ठको दुई नया गीतका म्युजिक भिडियोका साथमा कवितासंग्रह मौन छ देश सार्वजनिक गरिएको छ।

तीजको परिवेशमा तयार पारिएको नाचौ छमछमीमा उमा श्रेष्ठ र सुमित खड्काको स्वर छ। विपिन आचार्यको शब्द तथा संगीत रहेको गीतको भिडियो सार्वजनिक गरिएको हो। त्यस्तै ए माया लाउ“छौ कि गीतमा उमाकै शब्द, संगीत र स्वर रहेको छ। गीतमा सुमित खड्काले स्वरमा साथ दिएका छन्। दुवै गीतका म्युजिक भिडियो उमा श्रेष्ठको युट्युब च्यानलमार्फत सार्वजनिक गरिएको हो।