एक वर्षमा ७ हजार कुखुराको रोग परीक्षण, इकोलाई सबैभन्दा बढी देखियो

काठमाडौं ।

राष्ट्रिय पन्छी रोग अन्वेषण प्रयोगशालाले गत एक वर्षमा चितवनसहित १६ जिल्लाका करिब सात हजार कुखुराको रोग परीक्षण गरी विभिन्न प्रकारका संक्रामक रोग पहिचान गरेको छ। प्रयोगशालाका प्रमुख डा. विजयकुमार श्रेष्ठका अनुसार प्रयोगशालाले रोग परीक्षणसँगै रोगको पहिचान तथा उपयुक्त उपचारका लागि प्राविधिक परामर्शसमेत प्रदान गर्दै आएको छ। उनका अनुसार विस्तृत परीक्षण गरिएका एक हजार ५०० नमूनामा कुखुरामा देखिने १० प्रकारका प्रमुख रोग पुष्टि भएका छन्।