अख्तियारको स्वतन्त्रता र निष्पक्षतामाथि रास्वपा सांसद अमरेश सिंहको प्रश्न

काठमाडौँ- राष्ट्रिय स्वतन्त्र पार्टी (रास्वपा) का सांसद अमरेशकुमार सिंहले अख्तियार दुरुपयोग अनुसन्धान आयोगको स्वतन्त्रता र निष्पक्षताको विषयमा ख्याल गर्नुपर्ने बताएका छन्। सिंहले बिहीबार प्रतिनिधिसभाअन्तर्गतको राज्य व्यवस्था तथा सुशासन समितिको बैठकमा यस्तो बताएका हुन्। उनले अख्तियार प्रधानमन्त्री कार्यालयको शाखा कि संवैधानिक आयोग हो भन्दै प्रश्नसमेत गरे। ‘अख्तियार प्रधानमन्त्री कार्यालयको शाखा हो कि संवैधानिक आयोग?’ उनको प्रश्न थियो।

गत असारमा अख्तियारका पदाधिकारी प्रधानमन्त्री कार्यालय पुगेका थिए। प्रधानमन्त्रीको सचिवालयले ती पदाधिकारीलाई ‘घण्टौं थुनेर राखेको’ समाचार प्रकाशित थियो। यसै पृष्ठभूमिमा सांसद सिंहले बिहीबार प्रश्नहरू उठाए।