रोकिएन प्रहरीमाथि खगेन्द्रको दबाब: फेरि पोसाक खरिद प्रक्रियामा करोडौँको टेन्डर किन?

सार्वजनिक लेखा समितिको बैठकमा राष्ट्रिय स्वतन्त्र पार्टीका सांसद खगेन्द्र सुनारले नेपाल प्रहरीको पोसाक खरिद प्रक्रियामाथि गम्भीर प्रश्न उठाएका छन्। उनले विगतमा माग गरिएका कागजात उपलब्ध नगराइएको अवस्थामा पुनः ठूलो रकमको टेन्डर अघि बढाइएको भन्दै प्रहरी नेतृत्वसँग जवाफदेहिता माग गरेका हुन्।

सुनारका अनुसार प्रहरी पोसाक खरिदमा भएको भनिएको अनियमितताबारे समितिले १५ दिनअघि नै आवश्यक कागजात मागेको थियो। ती कागजात अझै प्राप्त नभएको उनको दाबी छ।