अख्तियार त्रासबाट होइन, प्रमाणमा आधारित अनुसन्धानबाट बलियो बन्नुपर्छ : कानुनमन्त्री गौतम

कानुन, न्याय तथा संसदीय मामिलामन्त्री सोविता गौतमले अख्तियार दुरुपयोग अनुसन्धान आयोग त्रास सिर्जना गरेर नभई निष्पक्ष, व्यावसायिक र प्रमाणमा आधारित अनुसन्धानबाट बलियो बन्नुपर्ने बताएकी छन्।

बिहीबार प्रतिनिधिसभाको राज्य व्यवस्था तथा सुशासन समितिको बैठकमा अख्तियारका पदाधिकारीसँग भएको छलफलमा मन्त्री गौतमले भ्रष्टाचार नियन्त्रणसँगै आयोगप्रति नागरिकको विश्वास कायम गर्नुपर्नेमा जोड दिइन्।