स्मृतिमा गुरुआमा!

कसैले 'अब जीवनमा के गर्ने इच्छा छ?' भनेर सोध्यो भने मेरो मस्तिष्कमा एउटै तयारी जवाफ आउँछ– यदि भगवानले अवसर दिए म फेरि त्यही स्कुले जीवनमा फर्कन सकूँ, जहाँका बालस्मृतिहरू अझै पनि मेरो मनमस्तिष्कमा नाचिरहन्छन्।

आफ्नो बाल्यकाल र विद्यालयका अनुभव सम्झेर कहिलेकाहीँ नटोलाउने मानिस त सायदै होलान्। स्कुले जीवनका बदमासी, निर्दोष चाहना र साथीभाइहरूसँगका अन्तरङ्ग सम्बन्धहरू उमेरले डाँडो काट्दै जाँदा झन् झन् ताजा भएर आउने रहेछन्।