सांसदहरूलाई रविको सुझाव- ठूलो आवाज गर्दैमा तर्क र तथ्य ठूलो हुन्न

४ भदौ, काठमाडौं । राष्ट्रिय स्वतन्त्र पार्टी(रास्वपा)का सभापति रवि लामिछानेले ठूलो आवाज गर्दैमा तर्क र तथ्य ठूलो नहुने बताएका छन् । बिहीबार प्रतिनिधिसभाको राज्य व्यवस्था तथा सुशासन समिति बैठकमा कुरा राख्दै सभापति लामिछानेले सांसदहरूलाई चर्को नबोल्न सुझाव दिँदै यस्तो बताएका हुन् ।

‘म पनि चर्को आवाज गर्दै अर्को ठाउँमा आएको हुनाले मेरो आफ्नै अनुभवले के भन्छ भने कैलेकाहीँ ठूलो स्वरले भन्दा ठूलो तर्क भयो भन्ने हुन्छ,’ सभापति लामिछानेले भने, ‘तर, आवाज ठूलो हुँदैमा तर्क र तथ्य ठूलो हुन्छ भन्ने पनि होइन, कहिलेकाहीँ प्रमाण यति बलियो हुन्छन् कि हामीले मुख रातो पारेर केही हुन्न ।’