बागमतीमा एमाले सांसदलाई मुख्यमन्त्री बनाउन समर्थन गरेका उद्धव थापालाई राप्रपाले गर्‍यो कारबाही

राप्रपाले बागमती प्रदेश संसदीय दल नेता तथा सांसद उद्धव थापालाई कारबाही गर्ने निर्णय गरेको छ।

पार्टी केन्द्रको निर्णय र निर्देशनविपरीत बागमतीमा नेकपा एमालेका सांसद किरण थापा मगरलाई मुख्यमन्त्रीमा समर्थन जनाएका संसदीय दल नेता थापालाई आज बसेको केन्द्रीय कार्यसम्पादन समिति बैठकले कारबाही गर्ने निर्णय गरेको हो।