नेपाली फिल्म क्षेत्रमा रौनक : फ्लोरमा आधा दर्जनबढी, घोषणा थुप्रै

काठमाडौँ । नेपाली चलचित्र क्षेत्र यतिबेला निकै चलायमान देखिएको छ । एकातर्फ हलमा ‘गौथली’, ‘लज्जावती’लगायत फिल्महरूले दर्शक मनोरन्जन गराइरहेका छन् भने अर्कोतर्फ आधा दर्जन भन्दा बढी फिल्महरू ‘एक्सन कट्’मा छन् ।

फिल्म घोषणा पनि धमाधम भैरहेको छ । फ्लोरमा रहेका केही फिल्म भर्खर छायांकनमा निश्किएका पनि छन् भने केही अन्तिम चरणमा पुगेका छन् । केही त शुभ–मुहूर्त सहित फ्लोरमा निस्कने तयारी गर्दैछन् । अहिले फ्लोरमा रहेका फिल्महरूमा ‘यानीमाया’, ‘ए मेरो हजुर ५’, ‘तीन तिघ्रे क्या बिग्रे’, ‘रातो घेर’, ‘महाराजाधिराज’, ‘आशा’, ‘तिरिमिरि झ्याई’, ‘जुबा’ र ‘टिका’ हुन् ।