विकल्पविहीन भएपछि सरकारले उठिबास लगाएका सुकुम्वासी रोज्दैछन् मृत्यु

काठमाडौं- सुकुम्वासीसँग प्रधानमन्त्री वालेन्द्र शाहको इगो नयाँ होइन । उनी काठमाडौं महानगरको मेयर हुँदै काठमाडौंका नदी किनारबाट सुकुम्वासी हटाउन खोजे । तर थापाथलीस्थित बागमती किनारबाट हटाउन सुरक्षा बलसहित जाँदा कडा प्रतिरोध सहनुपर्‍यो ।

त्यही प्रतिरोधको चोट बोकिरहेका उनले गत चैत १३ गते प्रधानमन्त्रीको पद सम्हालेलगत्तै १२ वैशाख २०८३ देखि थापाथलीका तिनै सुकुम्वासी बस्तीमा सेना, सशस्त्र, जनपथ सहितको ठूलो फौज उतारियो । राज्यका सबै सुरक्षा बल उतार्दै निरीह सुकुम्वासीहरूका बस्तीमा बडेमानका डोजर हानियो ।