जय नेपाल पार्टीको निर्णय: देशैभर संवैधानिक राजसंस्थाको पक्षमा जनमत निर्माण गर्ने

जय नेपाल पार्टी (प्रस्तावित) ले पहिलो केन्द्रीय कार्यसमिति बैठक सम्पन्न गर्दै संगठन विस्तारदेखि संविधान संशोधन, गौसंरक्षण, प्रवासी नेपालीको मताधिकार र आगामी स्थानीय तह निर्वाचनसम्मका विषय समेटेर १० बुँदे निर्णय सार्वजनिक गरेको छ।

सभापति डा. धवलशम्सेर राणाको अध्यक्षतामा काठमाडौंमा बसेको बैठकले भदौ र असोजभित्र ७७ वटै जिल्लामा तदर्थ जिल्ला कार्यसमिति गठन गर्ने निर्णय गरेको छ। त्यसका लागि केन्द्रीय सदस्यहरूलाई समावेश गरी टोली परिचालन गरिने पार्टीले जनाएको छ।