डा. चेतना पक्राउको घटनालाई लिएर नेचुरोपेथिक चिकित्सकहरूलाई नक्कली र ठग भन्दै अपमान नगर्न आग्रह

काठमाडौं । योग तथा प्राकृतिक चिकित्सक संघ, नेपालले डा. चेतना पौडेल पक्राउको घटनालाई लिएर समग्र योग तथा प्राकृतिक चिकित्सकहरूलाई 'नक्कली' र 'ठग' भन्दै अपमान नगर्न आग्रह गरेको छ ।

संघका अध्यक्ष डा. जनक बहादुर बस्नेतले प्रेस विज्ञप्ति जारी गर्दै डा. चेतनाको घटनालाई जोडेर प्राकृतिक चिकित्सकहरूविरुद्ध मिडिया ट्रायल सञ्चालन गर्ने, आधारहीन आरोप लगाउने र चरित्रहत्या गर्ने जस्ता अपमानजनक व्यक्तिगत टिप्पणीहरू नगर्न अपिल गरेका हुन् ।