जाजरकोटमा जिप दुर्घटना, सात जना घाइते

नलगाड नगरपालिका–७ दानेपिपलस्थित डोल्पा–जाजरकोट सडकखण्डमा बोलेरो जिप दुर्घटना हुँदा सात जना यात्रु घाइते भएका छन्। बिहीबार साँझ करिब साढे ६ बजे नलगाड नगरपालिका–९ ताँत्राबाट दल्ली आउँदै गरेको लु १ च ८२२७ नम्बरको बोलेरो जिप सडकबाट करिब १५ मिटर तल खसेर दुर्घटना भएको हो।

प्रहरीका अनुसार नलगाड नगरपालिका–८ हलचौर निवासी २४ वर्षीय चालक विनोद विकले चलाएको जिप आफैँ अनियन्त्रित भई सडकबाट तल खसेको हो।