मोरङबाट खैरो हेरोइन सहित दुई जना पक्राउ

काठमाडौँ । प्रहरीले मोरङको विराटनगर महानगरपालिका–१९ स्थित मिलनचोबाट खैरो हेरोइन सहित दुई जनालाई पक्राउ गरेको छ । पक्राउ पर्नेमा मोरङको सुन्दर हरैंचा नगरपालिका–१ घर भएका ३२ वर्षीय ध्रुवप्रसाद रिजाल र सोही नगरपालिकाको वडा नम्बर–९ घर भएका ३१ वर्षीय नरेश भट्टराई छन् ।

लागुऔषध नियन्त्रण ब्युरोको विराटनगर शाखाबाट खटिएको टोलीले उनीहरूलाई बिहीबार पक्राउ गरेको हो । आरोपीहरूको साथबाट ३४ ग्राम ६४० मिलिग्राम खैरो हेरोइन बरामद गरिएको लागुऔषध नियन्त्रण ब्युरोका डीएसपी जीवन निरौलाले रातोपाटीलाई बताए ।