स्वास्थ्यमा समस्या देखिएपछि जेलबाट अस्पताल सारिए पूर्वप्रधानमन्त्री इमरान खान

पाकिस्तानका पूर्वप्रधानमन्त्री इमरान खानलाई स्वास्थ्य उपचारका लागि जेलबाट एक निजी अस्पतालमा लगिएको छ।

बिहीबार मध्यरातमा उनलाई आदियाला जेलबाट इस्लामाबादस्थित शिफा अन्तर्राष्ट्रिय अस्पतालमा सारिएको उनको पार्टी पाकिस्तान तहरीक-ए-इन्साफ (पीटीआई) ले जनाएको छ। सर्वोच्च अदालतले स्वास्थ्य परीक्षणका लागि खानलाई अस्पताल लैजान दिएको आदेशको केही दिनपछि यो कदम चालिएको हो। अदालतले खानको स्वास्थ्य अवस्था बुझ्न विशेषज्ञ चिकित्सक र उनका व्यक्तिगत चिकित्सक फैसल सुल्तान सम्मिलित मेडिकल बोर्ड गठन गर्नसमेत निर्देशन दिएको थियो।