टप इन्ड टी–२० मा नेपालको पहिलो परीक्षा, आज आयोजक नर्थन टेरिटोरी स्ट्राइकसँग भिड्दै

अस्ट्रेलियाको डार्विनमा आयोजना हुने टप इन्ड टी-२० सिरिज २०२६ मा नेपालले आज आफ्नो पहिलो खेल खेल्दैछ। नेपालले प्रतियोगिताको उद्घाटन खेलमा आयोजक टोली नर्थन टेरिटोरी स्ट्राइकसँग प्रतिस्पर्धा गर्न लागेको हो। खेल डार्विनस्थित डिएक्ससी एरिनामा हुनेछ।

नेपाल र नर्थन टेरिटोरी स्ट्राइकबीचको खेल नेपाली समयअनुसार आज दिउँसो २ः१५ बजे सुरु हुनेछ। अस्ट्रेलियाको घरेलु परिस्थितिमा खेल्न लागेको नेपाली टोलीका लागि पहिलो खेलमै राम्रो सुरुआत गर्ने चुनौती हुनेछ।