साहसिक पर्यटनको नयाँ आयाम बन्दै ढोरपाटन, विदेशी सिकारीबाट एक वर्षमै ४ करोडभन्दा बढी राजस्व

बागलुङ । नेपालको एकमात्र वैधानिक सिकार आरक्ष ढोरपाटन विदेशी पर्यटकका लागि विशिष्ट साहसिक पर्यटन गन्तव्यका रूपमा स्थापित हुँदै गएको छ। यहाँ हुने नियन्त्रित सिकार गतिविधिबाट सरकारले ठूलो राजस्व प्राप्त गर्नुका साथै दुर्गम हिमाली क्षेत्रको पर्यटन अर्थतन्त्रमा समेत योगदान पुग्दै आएको छ।

गत आर्थिक वर्षमा ढोरपाटन सिकार आरक्षमा विदेशी सिकारीले २१ नाउर र ११ झारलको सिकार गरेका छन्। सिकार अनुमतिबापत उनीहरूले वन्यजन्तु विभागलाई ४ करोड १७ लाख रुपैयाँभन्दा बढी राजस्व बुझाएका छन्।