काठमाडौंका चार विद्यालयको नाम र दुई विद्यालयको स्थान परिवर्तन

काठमाडौं महानगरपालिकाले संस्थागत विद्यालयको नाम तथा स्थान परिवर्तनसम्बन्धी प्रक्रिया अघि बढाएको छ। महानगरपालिकाको शिक्षा विभागले चार विद्यालयको नाम र दुई विद्यालयको स्थान परिवर्तनका लागि अनुमति माग गरिएको भन्दै दाबी–विरोध भए प्रमाणसहित निवेदन दिन सार्वजनिक सूचना जारी गरेको हो।

महानगरपालिकाका अनुसार विद्यालय सञ्चालकहरूले कम्पनी रजिष्ट्रारको कार्यालयबाट नाम तथा स्थान परिवर्तनसम्बन्धी पत्रसमेत लिएर शिक्षा विभागमा निवेदन दर्ता गराएका छन्। ती निवेदनमाथि कुनै व्यक्ति वा संघसंस्थाको दाबी–विरोध भए सूचना प्रकाशित भएको मितिले ३५ दिनभित्र आवश्यक प्रमाणसहित लिखित निवेदन पेश गर्न विभागले आग्रह गरेको छ।