चार महिनापछि कोर्टमा फर्किँदै अल्काराज, यूएस ओपनमा उपाधि रक्षा गर्ने लक्ष्य

स्पेनिस टेनिस स्टार कार्लोस अल्काराज चार महिनाभन्दा लामो समयपछि प्रतिस्पर्धात्मक टेनिसमा फर्किने भएका छन्। नाडीको चोटका कारण लामो समय कोर्टबाहिर रहेका अल्काराजले आगामी यूएस ओपनबाट पुनरागमन गर्ने पुष्टि गरेका छन्।

सात पटकका ग्रान्डस्लाम विजेता अल्काराजले अगस्ट ३० देखि सेप्टेम्बर १३ सम्म हुने प्रतियोगितामा सहभागिता जनाउने बताएका हुन्। उनले न्युयोर्कमा आफ्नो उपाधि रक्षा गर्ने लक्ष्य राखेका छन्।अल्काराजले यसअघि अप्रिलमा बार्सिलोना ओपनबाट नाम फिर्ता लिएका थिए। त्यसपछि उनले फ्रेन्च ओपन, विम्बल्डन तथा टोरन्टो र सिनसिनाटीमा भएका उत्तर अमेरिकी हार्ड कोर्ट प्रतियोगितासमेत गुमाए।