पहिरो खस्दा कर्णाली राजमार्ग अवरुद्ध

बिहीबार रातभरको वर्षाले कालिकोटको गगने खोलामा पहिरो खस्दा कर्णाली राजमार्गअन्तर्गत सुर्खेत–जुम्ला सडक अवरुद्ध भएको छ। बिहीबार राति ७ बजेदेखि राजमार्ग अवरुद्ध भएको हो।

पानी नरोकिएकाले राति हिलो पन्छाएर सडक सुचारु गर्न नसकिएको जिल्ला प्रहरी प्रमुख डीएसपी हिमबहादुर खत्रीले बताए। पानी रोकिएपछि बिहानैदेखि पहिरो हटाउने काम सुरु गरिएको उनले भने। पहिरोले सडक अवरुद्ध भएपछि सुर्खेतबाट आएका गाडी खिड्कीज्युलामा रोकिएका छन्।