११ महिनामै पौने दुई खर्ब बिमा शुल्क संकलन

नेपालमा जीवन बिमा व्यवसाय विस्तार हुँदै गएको देखिएको छ। पछिल्ला वर्षहरूमा वित्तीय सचेतनाको वृद्धि, बिमा कम्पनीहरूको सेवा विस्तार, डिजिटल प्रविधिको प्रयोग तथा जीवन र स्वास्थ्य जोखिमप्रति नागरिकमा बढ्दो जागरणका कारण जीवन बिमा क्षेत्रमा विशेष सुधार देखिएको हो।

नेपाल बिमा प्राधिकरणले सार्वजनिक गरेको आर्थिक वर्ष २०८२/८३ को ११ महिनाको तथ्यांकअनुसार सञ्चालनमा रहेका १४ वटा जीवन बिमा कम्पनीहरूले एक करोड १७ लाख ३७ हजार दुई सय ९८ वटा बिमालेख जारी गर्दै एक खर्ब ७३ अर्ब ५० करोड ७६ लाख रुपैयाँ बिमा शुल्क संकलन गरेका छन्। यो रकम गत आर्थिक वर्षको सोही अवधिको तुलनामा १२.६२ प्रतिशतले बढी हो।