काष्ठमण्डपका नयाँ मूर्ति नहटाउन सर्वोच्चको आदेश

काठमाडौं । सर्वोच्च अदालतले काष्ठमण्डपमा राखिएका नयाँ गोरखनाथ र चार गणेशका मूर्ति तत्काल नहटाउन आदेश दिएको छ। न्यायाधीशद्वय हरिप्रसाद फुँयाल र महेश शर्मा पौडेलको संयुक्त इजलासले पुराना मूर्ति खण्डित भएपछि नयाँ मूर्ति प्रतिस्थापन गरिएको विषयमा परेको रिट खारेज गर्दै यस्तो फैसला गरेको हो।

अदालतले धार्मिक आस्था, सांस्कृतिक निरन्तरता र ऐतिहासिक तथा पुरातात्विक मौलिकताबीच सन्तुलन आवश्यक रहेको स्पष्ट गरेको छ। प्राणप्रतिष्ठा भइसकेका नयाँ मूर्ति हटाउँदा धार्मिक संवेदनशीलता र द्वन्द्व बढ्न सक्ने भएकाले तत्काल हटाउन आवश्यक नभएको अदालतको ठहर छ।