ऋणबाट उम्किन आफ्नै मृत्युको नाटक, ११ वर्षपछि पक्राउ

भारतको कर्नाटकमा ऋणबाट उम्किन आफ्नै मृत्युको नाटक गरेका ३६ वर्षीय एक व्यक्ति ११ वर्षपछि पक्राउ परेका छन्। कोलार जिल्लाका अरुण कुमार रेड्डीले सन् २०१५ मा आफ्नो मृत्यु भएको देखाउन अज्ञात व्यक्तिको शव प्रयोग गरेको प्रहरीले जनाएको छ।

सन् २०१५ फेब्रुअरी ९ मा कोलार गोल्ड फिल्डको एन्डरसनपेट क्षेत्रमा प्रहरीले नराम्ररी जलेको शव फेला पारेको थियो। शवसँग आधार कार्ड, मोबाइल फोन, सिमकार्ड, चप्पललगायत अरुणका सामान भेटिएपछि प्रहरीले शव अरुणकै भएको ठानेको थियो। उनका परिवारले समेत उनको अन्तिम संस्कार गरिसकेका थिए।