चामे–बेँसीसहर सडक अवरुद्ध

मनाङ । हिमाली जिल्ला मनाङको मेरुदण्ड (लाइफलाइन) को सडक चामे-बेँसीसहर सडक अवरुद्ध भएको छ । नासोँ गाउँपालिका(३ खोत्रो पाखामा सडक भासिएर उक्त सडक अवरुद्ध भएको हो ।

सडक भासिदा पूर्णरुपमा चामे-बेँसीसहर सडक अवरुद्ध भएको प्रमुख जिल्ला अधिकारी मुक्तिप्रसाद खनालले जानकारी दिनुभयो । “वर्षायाममा पहाडी क्षेत्र जोखिम हुनुका साथै भासिने र बाढीपहिराले अवरुद्ध हुने गरेको छ”, उनले भने, “भासिएको सडक खुलाउन उक्त क्षेत्रमा आवश्यक सामग्रीसहित सुरक्षाकर्मी पुगिसकेका छन् ।”