इजरायलको कृषि फार्ममा जे देखेँ...

मान्छे पढ्न विदेश किन जान्छ? के पुग्दैन उसलाई स्वदेशमा? के छन् विदेशका विश्वविद्यालयहरूमा जो नेपालमा छैनन्?

सन् २००६ (विसं २०६३) मा त्रिभुवन विश्वविद्यालयको रामपुर क्याम्पसबाट बिएससी. एजी. अध्ययन पूरा गरेपछि मेरा मनमा यस्तै अनेकौँ प्रश्न र विचारहरू खेलिरहेका थिए। अन्ततः २०६३ को असार महिनातिर कृषिमा स्नातक अध्ययन पूरा गरेपछि देशभित्रै कृषि अर्थतन्त्र विषयमा स्नातकोत्तर अध्ययन गर्ने उद्देश्यले घरबाट भर्ना शुल्क बोकेर म स्याङ्जाको वालिङदेखि चितवनको रामपुर क्याम्पसतर्फ लागेँ।