बैठक चल्दाचल्दै सांसद आशिका झोक्किएर कार्यक्रम ‘बहिष्कार’

काठमाण्डु – राष्ट्रिय स्वतन्त्र पार्टी (रास्वपा) सांसद आशिका तामाङ आक्रामक प्रस्तुतिका कारण चर्चित छिन् । केही दिनअघि संसद् बैठकमै आक्रोशित भएर झोक्किएर बाहिरिएकी सांसद आशिकाले शुक्रबार फेरि त्यस्तै प्रवृत्ति दोहोर्‍याएकी छन् ।

शुक्रबार सूचना तथा सञ्चारमन्त्री डा. विक्रम तिमिल्सिनाको अध्यक्षतामा बसेको छलफल कार्यक्रममा बञ्चरेडाँडामा फोहोर व्यवस्थापनका क्रममा देखिएका समस्या, स्थानीयका गुनासा तथा फोहोर व्यवस्थापनका लागि भइरहेका कामकारबाहीबारे छलफल भइरहेको बेला सांसद आशिका चर्काचर्कीबिच रिसाएर बैठक बहिष्कार गरेर हिँडेकी छन् ।