सिरहाको गोलबजारमा ट्रमा सेन्टर निर्माणको प्रक्रिया अघि बढ्यो

१७ असार, सिरहा ।सिरहाको गोलबजारमा मधेश प्रदेशकै पहिलो अत्यधुनिक ट्रमा सेन्टर निर्माण गर्ने प्रक्रिया औपचारिक रूपमा अघि बढेको छ ।

मधेश प्रदेश स्वास्थ्य तथा जनसंख्या मन्त्रालयको पहलमा गोलबजार नगरपालिका–४ र ८ को सिमानामा, पूर्व–पश्चिम राजमार्ग छेउस्थित कोभिड अस्पतालको परिसरमा ट्रमा सेन्टर निर्माण हुन लागेको हो ।