साग २०२७ को तयारी बैठकमा भाग लिन नेपाली टोली पाकिस्तान प्रस्थान

५ भदौ, काठमाडौं । १४औँ दक्षिण एसियाली खेलकुद (साग) २०२७ को तयारीसम्बन्धी दक्षिण एसिया ओलम्पिक काउन्सिलको केन्द्रीय समिति बैठकमा सहभागी हुन नेपाल ओलम्पिक कमिटी (एनओसी) र राष्ट्रिय खेलकुद परिषद् (राखेप) को प्रतिनिधिमण्डल शुक्रबार पाकिस्तान प्रस्थान गरेको छ ।

पाकिस्तानको इस्लामाबादमा अगस्ट २३ र २४ गते हुने बैठकमा एनओसीका अध्यक्ष जीवनराम श्रेष्ठ, उपाध्यक्ष चतुरानन्द राजवैद्य तथा राखेप सदस्य सिक्का सुवाल श्रेष्ठ सहभागी हुनेछन् । अध्यक्ष श्रेष्ठ र उपाध्यक्ष राजवैद्यले नेपाल ओलम्पिक कमिटी तथा सिक्का सुवाल श्रेष्ठले नेपाल सरकारको प्रतिनिधित्व गर्नेछन् ।